Gurë, dhunë, dhe shoqërime me forcë po ndodhin në këto momente në zonën e Astririt në Tiranë.
Disa qytetarë kanë mbetur të lënduar pas përplasjes me policinë, ndërsa 4 persona janë shoqëruar me forcë, mes tyre dhe ish-deputeti demokrat Klevis Balliu.
Dy zonja kanë humbur ndjenjat, po ambulanca ka vonuar që të ndërhyjë, dhe kjo ka shkaktuar lot dhe tmerr te familjarët.
‘’Ambulanca ka kaluar te herë dhe nuk i ka marrë zonjat, ky është shteti ynë”, shprehen qytetarët.
https://www.youtube.com/watch?v=rWvq_ZS_kXE
Teksa ishte në furgonin e policisë, ish-deputeti Balliu u shpreh se shqiptarët duhet të marrin armët në mënyrë që të mbrojnë shtëpitë e tyre.
“Ne do të kthehemi më të fortë, shqiptarët duhet të marrin armët dhe të mbrojnë shtëpitë e tyre”, u shpreh Balliu.
Mes 4 personave të shoqëruar ishte dhe Florian Protoduari, babai i Dorian Protoduarit, që mbahet prej disa muajsh në burg.
Policia ka hedhur një gaz helmues në zonë, ç’ka ka bërë që disa prej qytetarëve të ndjejnë shqetësime me frymëmarrjen dhe me shikimin.
“Ka sjellë qindra mijëra efektivë policie, në këtë ditë Ramazani, që kanë shtyrë gra. Ne jemi këtu për ti thënë Edi Ramës që është një njeri i padëshiruar, Unaza e Re është e nalume për Edi Ramën dhe Erion Veliajn. Një protestues e ka future furgoni i policisë poshtë. Numri i të shoqëruarve është shumë më i madh”, u shpreh një prej qytetarëve.
“Ju të Top Medias që jeni palë me ndërtuesit zhdukuni që këtu”, shprehet një tjetër prej qytetarëve.
Policia nuk ka lejuar as gazetarët që të qëndrojnë në bordurën mes korsive, duke vënë prioritet kalimin e makinave në rrugë.
Kujtojmë se protesta e sotme ishte e paparalajmëruar, dhe banorët u organizuar pas informacioneve që kishin se në zonën e Fabrikës së Miellit do të ishte i pranishëm kryeministri Rama.
Ata janë shprehur se do të mbrojnë me çdo kusht shtëpitë e tyre, dhe se pas 7 muajve protestash kryeministri është i detyruar që t’i dëgjojë. (LEXO EDHE KETU)
(E.K/Faxweb.al)
Discussion about this post