Deputetja e Partisë Demokratike Majlinda Bregu, deklon se Bashkimi Europian nuk po i thotë gjërat troç për Shqipërinë.
Gjatë një konference me rastin e 60 vjetorit të nënshkrimit të Traktatit të Romës, Bregu u shpreh se gjuha më të cilën BE-ja na komunikon, nuk është ajo që na duhet.
“Po të dëgjoni një deklaratë të bërë nga SHBA dhe një nga BE, më jepni diferencën e një gjuhë troç dhe një gjuhe që duhet marrë edhe konsensusi i 27 vendeve anëtare. Një gjuhë si një copë buke e lyer me gjalpë nuk është ajo që i duhet vendeve tona.”, tha Bregu.
Ndër të tjera, Bregu shprehu edhe njëherë shqetësimin për rrezikun që i kanoset zgjedhjeve të qershorit të 2017-ës.
“Është hera e parë pas kaq kohësh që të gjithë dëgjojmë se në rrezik dhe pikëpyetje të madhe janë zhvillimi i zgjedhjeve në Shqipëri dhe kjo nuk më duket çështje e vogël. Një vend me zgjedhje të munguara, me zgjedhje të kqija, në një vend ku zgjedhjet janë nën kërcënim, një vend ku qytetarët nuk janë të lirë për të votuar nuk është vend europian.”, tha Bregu.
Në konferencë ndodhej edhe eurodeputetja Elly Schlein, e cila tha se pavarësisht se BE po përjeton krizën e saj më të madhe, duhet të ndihmojë në integrimin e vendeve të cilat ende nuk janë bërë pjesë e unionit. (D.D/Shuplaka)
Discussion about this post