Janë të rralla çiftet e showbizit që kanë mundur t’iu rezistojnë viteve dhe aq më shumë të bëjnë edhe dekada. Ndërkohë Turjan Hyska dhe Orinda Huta kanë një lajm të mirë për të gjithë sot. Ata bëjnë plot një dekadë që janë në një lidhje mes tyre.
Dhe pikërisht pas 10 vitesh bashkë dy të rinjtë e famshëm kuptuan që s’bëjnë dot më pa njëri-tjetrin e vendosën të martohen. Siç është bërë e ditur edhe më parrë ata do ti thonë “PO” njëri-tjetrit nën qiellin e hapur në datën 27. 7 2017.
Por sot me siguri ata e kanë marrë “pushim” nga përgatitjet dhe impenjimi që kërkon një dasmë e madhe, pasi kanë përvjetorin e lidhjes. “#10 #tedua”, ka shkruar Orinda në Instagramin e saj që numëron gati 80 mijë ndjekës, krahas fotos së mëposhtme.
Ndërsa Turi nuk e ka falenderuar për dashurinë por për faktin se ju rritën ndjekësit pasi ai ka vetëm 26 mijë. “Prandaj paskan plasur ‘followers’ (ndjekësit) nga unë… Na duaj me shpesh moj @orindahuta”, komenton Hyska me shaka. (E.K/SHUPLAKA)
