Ministrat e Jashtëm të Bashkimit Evropian janë mbledhur pasditen e sotme në Luksemburg, një ditë para se Komisioni Europian të prezantojë zyrtarisht progres-raportin për vendet e Ballkanit Perëndimor.
Shefja e politikës së jashtme të BE-së, Federica Mogherini vlerësoi se është në interesin e BE-së dhe të shteteve anëtare, të rrisin bashkëpunimin me Ballkanin Perëndimor.
Në këtë takim, ministri i Jashtëm grek pjesëmarrës, ka informuar homologët e tij lidhur me negociatat mes Athinës dhe Shkupit për zgjidhjen e kontestit të emrit, si dhe për bisedimet mes Shqipërisë dhe Greqisë, ku një nga çështjet më sensitive është ajo e kufirit detar.
“Sqarova se ku janë bisedimet tona me Shqipërinë dhe me Maqedoninë. Gjithashtu theksova nevojën që liderët të kuptojnë se nuk mund të kenë bisedime përmes intervistave dhe deklaratave të vazhdueshme publike. Se duhet të tregojnë seriozitet dhe ta pranojnë një metodë e cila do të na çojë drejt zgjidhjes.” – tha Kotzias.
(E.L./Faxweb)
Discussion about this post