Ditën kur supozohet të ketë heshtje për demokratët shkak se mbahen zgjedhjet për kreun e PD-së më 22 korrik, deputeti Astrit Patozi do të zhvillojë një takim me demokratët e Tiranës.
Nesër ai do të zhvillojë një takim në sallën e Koncerteve të Akademisë së Arteve në Tiranë. Deputeti i cili u la jashtë listës për zgjedhjet e 25 qershorit, bashkë me grupin kundër Bashës do të diskutojë për bashkimin dhe ringritjen e Partisë Demokratike.
“MË 21 KORRIK, ME DEMOKRATËT E TIRANËS
Më 21 korrik, ora 19:30, me demokratët e kryeqytetit.
Ju mirëpresim në sallën e Koncerteve të Akademisë së Arteve në Tiranë. Bashkimi dhe ringritja e Partisë Demokratike është misioni ynë. ASKËND PËR TË HUMBUR, GJITHËKËND PËR TË FITUAR.”, shkruan Patozi.
Kujtojmë se Patozi u tërhoq nga gara për kreun e PD-së, pasi sipas tij kryetari aktual Lulzim Basha nuk plotësoi kushtet për një garë të drejtë dhe barabartë. (D.D/Shuplaka)
