Një “dorëheqje” me gabime gramatikore si ajo Prengës, si e shkruan ai Partinë Socialiste

Paraditen e sotme u bë me dije se deputeti socialist Armando Prenga ka dhënë dorëheqjen nga mandati i deputetit, mandat shkaktoi përplasje mes Prokurorisë së Përgjithshme dhe Komisionit Qendror të Zgjedhjeve.

Menjëherë pas lajmit të dorëheqjes u zbardh edhe letra e tij, një letër me gabime ortografike, ndoshta prej shpejtësisë, ose “emocioneve” të shkaktuara nga ky vendim i tij, për të cilin Prenga shprehej në letër se e mori për qetësinë e familjes.

Mes gabimeve gramatikore, ajo që bie në sy është si i referohet Prenga Partisë Socialiste në letër.

“Më lejoni që nëpërmjet kësaj letre të paraqes dorëheqjen time nga mandati i deputetit të partisë “Socialiste”, në Qarkun Lezhë”, shkruan Armando Prenga duke e “përforcuar” rëndësinë e partisë teksa e fut në thonjëza. (XH.A/SHUPLAKA)