Një mjet tip “Fuoristradë” është gjetur 100 metra nga bregu i detit në Vlorë. Mësohet se mjeti është vënë re në mes të detit tek “Plazhi i Vjetër”. Nga të dhënat e deritanishme, ende nuk ka informacione nëse ka persona brenda në automjet.
Burime të Policisë së Vlorës bëjnë me dije se automjeti është gjetur rreth orës 07:22 dhe përreth tij deri tani nuk është vënë re ndonjë material i kundraligjshëm.
Detaje të Policisë së Vlorës:
Rreth orës 07:22, është gjetur nga Policia një automjet në det. Ngjarja ka ndodhur në zonën ujore të plazhit të vjetër, ku rreth 20-30 m larg nga bregu i detit është gjetur në ujë një automjet tip “Fuoristradë”. Automjeti ndodhet brenda në ujë dhe përreth tij deri tashmë nuk vërehet të ketë ndonjë marerial të kundraligjshëm. Në bashkëpunim me Policinë Kufitare, po punohet për nxjerrjen nga uji të këtij mjeti.
(XH.A/SHUPLAKA)
