Policia e Tiranës ka arrestuar dy shtetas të shpallur në kërkim nga Drejtoria Vendore e Policisë Vlorë për veprën penale të “Prodhimi dhe shitja e narkotikëve, kryer në bashkëpunim”.
Arrestohet një shtetas tjetër i dyshuar si bashkëpuntor i tyre, si dhe për veprën penale “Përkrahje autorit të krimit”
Sekuestrohet rreth 1 kg lëndë e dyshuar cannabis sativa.
Më datë 24.04.2017 Specialistët e Seksionit të Narkotikëve në Drejtorinë Vendore të Policisë Tiranë kanë bërë të mundur kapjen dhe arrestimin e dy shtetasve të shpallur në kërkim, dhe bashkëpunëtorin e tyre, konkretisht:
-K.L, 28 vjeç, banues në Përmet
-A.E, 29 vjeç, shtetas grek, banues në Sarandë
– M.C, 26 vjeç, banues në Elbasan
Arrestimi i këtyre shtetasve u bë pas një operacioni në zonën e Yzberishtit, për kapjen e tyre bazuar mbi informacionet e marra në rrugë operative nga specialistët e narkotikëve në D.V.P.Tiranë.
Dy shtetasit e parë kanë qënë të shpallur në kërkim nga Drejtoria Vendore e Policisë Vlorë si të dyshuar për kryerjen e veprës penale të “Prodhimit dhe shitjes së narkotikëve të kryer në bashkëpunim”, dhe strehoheshin në banesën e marrë me qira nga shtetasi M.C i dyshuar për veprën penale të “Prodhimit dhe shitjes së narkotikëve të kryer në bashkëpunim” dhe “Përkrahja e autorit të krimit”
Gjatë kontrollit të ushtruar në këtë banesë ku ishin strehuar këta dy shtetas u gjet dhe sekuestrua në cilësinë e provës materiale:
-Një sasi rreth 1 kilogramë lëndë e dyshuar narkotike e llojit “Cannabis Sativa”, si dhe tre telefona celular.
Materialet proçeduriale i kaluan Prokurorisë pranë Gjykatës së Shkallës së Parë Tiranë për veprën penale të parashikuar nga Neni 283 dhe 302 i Kodit Penal në ngarkim të shtetasve të mësipërm si dhe u njoftua D.V.P.Vlorë për kryerjen e veprimeve të tjera proçeduriale nga ana e tyre në lidhje me këta shtetas. (E.K/SHUPLAKA)
Discussion about this post