Dita e sotme shënon ditën ndërkombëtare të gruas, dita kur më shumë se të gjitha të tjerat luftohet dhe kërkohet barazia gjinore.
Mirëpo për vetë natyra e femrës nuk mund të kërkohet njësimi i tyre me burrat. Vetë natyra e brishtë e tyre kërkon që disa punë për to të jenë të ndaluara. Në këtë linjë shprehet dhe moderatori Edi Oga, i cili thotë që gratë do të ndihen njësoj të vlefshme si burrat kur të mos ketë një ditë të veçantë për të drejtat e tyre.
‘’Një grua nuk është më inferiore sesa një burrë!
Një grua nuk është më superiore sesa një burrë!
Një grua nuk mund të jetë e barabartë me një burrë!
Një grua është njësoj e vlefshme me një burrë!
“Çështja” do të quhet e zgjidhur kur të mos shtrohet më për diskutim.
“Çështja” do të quhet e zgjidhur kur të mos ketë më një ditë të veçantë për gratë apo një ditë të tillë për burrat.
Kjo nuk është fare çështje; është e krijuar dikur në histori nga një mendje e mbrapshtë dhe ka gjetur terren në një ambient injorance. Duhet të jesh shumë dritëshkurtër që të gjykosh me diferencë një të gjatë nga një i shkurtër, një të bardhë nga një i zi, një të pasur nga një i varfër, një grua nga një burrë…
Në teknologji mbase kemi ecur, por në koncepte dhe perceptime jemi akoma në epokë primitive’’, shkruan Oga.
