U bë më shumë se një javë, që në Theth ka problem me energjinë elektrike. Për shkak të një defekti në Hidrocentralin e Ndërlysaj i cili ndodhet në këtë zonë, energjia elektrike shkon me orar të kufizuar.
Kjo sepse Hidrocentrali në fjalë mundëson furnizimin me energji elektrike për fshatin turistik.
Sipas “Ora Neës”, banorët e fshatit thonë se kanë prej disa javësh pa energji elektrike, pikërisht në kulmin e sezonit turistik.
“Sot ne Theth ka me shum se 1 mijë turistë të huaj dhe po na shkaterrohet biznesi dhe jeta” shkruan Ndoc Gjeçaj, i cili ka bujtinën e tij në këtë zonë turistike dhe pret turistë nga e gjithë bota.
Mirëpo ky problem nuk pranohet vetëm nga banorët, por edhe nga drejtues të OSHEE-së në Shkodër, të cilët shprehen se i ndodhur në këtë Hidrocentral po riparohet dhe pritet që së shpejti të rikthehet energjia elektrike.
Derisa problemi të zgjidhet, një rrjet i dytë po i jep energji zonës, mirëpo për shkak të amortizimit furnizimi me energji bëhet me orare të kufizuara. (D.D/Shuplaka)
