Të tjera përplasje mes banorëve dhe policisë kanë ndodhur në Zall Gjoçaj të Matit për HEC-et që po ndërtohen. Banorët nuk lejohen të hyjnë në zonë aty ku firma ka nisur të hapë rrugën për të ndërtuar HEC-et.
Bonorët kanë tentuar të futën me forcë duke thyer kordonin e policisë nëpërmjet konfrontimeve të fizike. Ndërkohë njëri prej banorëve është shprehur se do ta mbrojë lumin me jetë, duke e quajtur këtë mnjë masakër mjedisore që e bën një “kuçedër”.
“Është një kuçedër me shtatë krena sin ë legjenda që don të na marri ujin kjo kuçedër me 7 krena, por do të dali një Gjergj Elez Ali t’ia presi kokën, do të dali një Avni Rustem që do t’ia presi kokën që tenton të hyjë në shtëpitë tona. I bëj thirrje qeverisë të dali dh eta ndalojë këtë masakër të rëndë, sepse do të ketë pasoja të rëndë. Ne nuk e lëshojmë këtë vend”, tha banori.
Banorët e tre fshatrave në zonën e Matit kanë dalë sot në protestë, kundër ndërtimit të tre heceve në Zall Gjoçaj.
Banorët kanë pasur përplasje me policinë dhe me forcat RENEA të ardhura nga Tirana, të cilët janë vënë në gardh në mbrojtje të HEC-eve që po ndërtohen.
Banorët shprehen se ata jetojnë vetëm me ujin dhe skanë asnjë pasuri tjetër se me çfarë të mbahen.
Banorët kërkojnë që të ngrejnë çadra dhe të ngujohen në mënyrë që të mos lejojnë vijimin e mëtejshëm të ngritjes së hidrocentralit.
“Me kë jeni ju, me popullin apo me firmën?! Kush është ligji për ju, ajo që iu thotë firma”, ishin disa nga fjalët që qytetarët iu drejtuan kordonit policor, ndërsa nuk kanë munguar as shtyrjet mes palëve.
(F.GJ/FAXWEB.AL)
