Ai ka qenë padyshim një nga lojtarët më të mirë të historisë së futbollit spanjoll, në kombëtare dhe klube. E ndërkohë që ai ka një lajm të keq sot për të gjithë. Xabi Alonso ka njoftuar në Twitter se në fund të sezonit do të tërhiqet nga futbolli i luajtur.
“E përjetova. E dashurova. Lamtumirë, o lojë e bukur!”, shkroi mesfushori spanjoll i Bajernit të Mynihut në një foto bardhë e zi të postuar në rrjetin social.
Gjeniu i pasimeve të gjata ka luajtur gjatë karrierës së tij me Real Sociedad, Liverpul, Real Madrid dhe tashmë militon te Bajerni i Mynihut.
Spanjolli ka arritur të fitojë dy herë Ligën e Kampioneve gjatë karrierës, ndërsa me Spanjën ka fituar Kupën e Botës dhe dy herë Kampionatin Evropian. (E.K/SHUPLAKA)
Discussion about this post