Presidenti i Republikës Ilir Meta ka reaguar me një status në Twitter në lidhje më ndihmën që dha SHBA duke dhuruar 10 milion dollarë për Shqipërinë e disa vende të tjera në ndihmë të koronavirusit .
Më herët Ambasada e SHBA, me një status në Facebook bëri të ditur edhe drejtimin e këtyre fondeve duke thënë se kjo ndihmë do të shkojë për ngritjen e kapaciteteve dhe forcimin e infrastrukturës, për luftën ndaj koronavirusit.
Statusi i Metës
“Një falënderim të veçantë për solidaritetin e SHBA me vendin tonë në këto momente kritike. Një mik në nevojë është një mik i vërtetë”, shkruan Kreu i Shtetit në Twitter, ndërsa shpërndan mesazhin e ambasadores amerikane.
