Një shqiptar ka përfudnuar në prangat e policisë italiane, pasi u kap me plot 25 kilogramë drogë.
Mediat italiane shkruajnë se bëhet fjalë për 20 kilogramë marijuanë, 2 kilogramë heroinë dhe 3 kokainë, të gjitha të cilësisë së lartë. Sasia e lëndës narkotike u gjet e fshehur në një makinë në lagjen Santa Rita.
Mësohet se droga kishte si destinacion rrugët e San Salvario, të Torinos. “La Stampa” shkruan për shqiptarin se nën akuzën e trafikut të drogës, në pranga përfundoi koka e një rrjeti shpërndarësish. Shqiptari quhet Orges Grembi, 36 vjeç. Ai u ndalua teksa po hipte në automjetin Alfa 147.
Sipas autoriteteve italiane, vlera e lëndës narkotike e gjitha shkonte në rreth 300 mijë euro, por nëse pritej dhe ndahej në doza, mund arrinte edhe shifrën prej 1 milionë eurosh. (D.D/Shuplaka)
Discussion about this post