Një person gjuan me armë në një shkollë në Francë, disa të plagosur, dyshohet për sulm terrorist

Në Francë një person i armatosur ka hapur zjarr në një kampus shkollor. Ngjarja ka ndodhur në qytetin e Grasies. Deri më tani raportohen disa të plagosur, ku mes tyre ka ngelur i palgosur edhe një mësues. 

Sipas Daily Mail dyshohet nga autoritetet franceze për një sulm terrorist dhe nga policia franceze është arrestuar një person. 

Shkollë “Alexis de Tocqueville”  ku u u dëgjuan të shtënat me armë ndodhet  në afërsi të Kanës në juglindje të Francës. Të shtënat me armë u dëgjuan rreth orës 13:00 të kësaj mesdite.

Duhet të përmendim se një shpërthim është regjistruar po ditën e sotme në Francë në zyrën e bordit të Fondit Monetar Ndërkombëtar në Paris.

Bëhet fjalë për një zarf-bombë që ka shkaktuar një shpërthim.  Ngjarja ka ndodhur në momentin kur personi, ende i paidentifikuar, ka hapur zarfin që mbante brenda një substancë shpërthyese. (J.V/Shuplaka)