Deputeti i Partisë Demokratike Enkelejd Alibeaj ka denoncuar lirimin nga burgu të Durim Keçit, të arrestuar disa muaj më parë nga policia.
Alibeaj e ka cilësuar si mikun e ngushtë të kryeministrit Rama dhe ministrit Klosi, duke publikuar dhe foton e hershme, ku i dënuari me 9 vite burg për armëmbajtje pa leje, trafik droge dhe shkatërrim prone shfaqet në një selfie me ministrin Klosi.
“Një tjetër kriminel i rrezikshëm është jashtë dyerve të burgut. Durim Keçi, një nga peshqit e krimit, mik i Edi Ramës dhe Blendi Klosit, është liruar nga burgu. Me shumë gjasë, ai nuk do të ekstradohet në Itali, ku është dënuar për trafik drogë dhe prostitucioni.
Kryetari i Partisë Demokratike, Lulzim Basha, e paralajëmroi që në tetor se Durim Keçi do t’i shpëtonte drejtësisë, sepse kishte mik kryeministrin Edi Rama dhe i ka shërbyer atij në çdo palë zgjedhje. Në tetor, Lulzim Basha bëri të njohur ekzistencën e tabulateve telefonike të Edi Ramës me Durrim Keçin, të cilit i garantoi mosekstradimin. Dhe kështu ndodhi. Reforma në drejtësi u përdor për të çliruar nga drejtësia kriminelët si Keçi dhe të tjerë të fuqishëm, që kërkohen për ekstradim në Itali. Por Lirimi i Durim Keçit është edhe efekt i presionit të Edi Ramës ndaj drejtësisë dhe kontrollit politik nëpërmjet kryeprokurorit antikushtetues.”, u shpreh Alibeaj. (J.V/Faxweb)
Discussion about this post