Presidenti Ilir Meta ka thënë se ai ka respektuar kushtetutën në vendim e tij për të refuzuar dekrtimin si ministër të Brëndshëm Sandër Lleshajn.
Meta ka thënë se ai është i gatshëm të japë shpjegime edhe para parlamentit por edhe publikut në lidhje me vendimin e tijpër Sandër Lleshajn. I pyetur se cila është arsyeja e “vërtetë” për refuzimin e kandidatit të propozuar nga Rama, Meta u tregua hermetik, por theksoi se ai ka respektuar kushtetutën dhe do të vazhdojë ta respektojë deri në fund, “pa i hequr asnjë presje”.
“Unë nuk kam ndërmen të shkel kushtetutën, asnjë presje. Gjërat janë të qartë dhe duhen shteruar deri në fund”, tha Meta në “Open”.
Meta ka komentuar edhe deklaratën e Ramës se arsyeja për efuzimin e Lleshit ishte tjetër nga ajo që argumentonte publikisht presidenti.
“Larg qoftë që të jetë ajo që më ka thënë mua se nuk e duroj një president qesharak”, ishte shprehur Rama në Kuvend.
Por Meta me ironi u përgjigj “Nuk Duhet ta ketë patur për ndonjë president tjetër se emrin tim nuk e përmendi”, duke shtuar se për situatën ka vënë në dijeni edhe kryetarin e Kuvendit Gramoz Ruçi për gadishmërinë e tij për të dhën shpjegime në Kuvend. (B.H/Faxweb)
