Nuk është e zakonshme që në krye të një bashkie italiane të qëndrojë një shqiptar. Mirëpo kjo nuk është shumë e vështirë për Gentian Alimadhin. Ai ka shpehur synimin e tij për të qenë në krye të Bashkisë së Parmës në Itali.
Gazeta italiane “Reppublica” i ka kushtuar një artikull të gjatë 44-vjeçarit shqiptar Alimadhi. Nëse do të arrinte këtë objektiv, Gentian Alimadhi do të ishte i pari kryetar bashkie emigrant shqiptar në Parma. Alimadhi është kandidat në zgjedhjet paraprake brenda qendrës së majte, me synim për të dalë kandidat në zgjedhjet komunale të vitit të ardhshëm.
44-vjeçari i lindur në Fier është qytetar italian prej 6 vitesh, i martuar, baba i dy fëmijëve, me profesion avokat penalist. Gentian Alimadhi mbërriti ne Itali si emigrant ne vitin 1993, me një barke që zbarkoi në brigjet e Pulias. Krahasuar me kandidatet e tjerë në garën paraprake, shqiptari Gentian Alimadhi duket me i favorizuar, jo vetëm nga komuniteti shqiptar në Parma, që numëron rreth 8000 persona, por edhe shumë qytetarë italianë. (E.K/SHUPLAKA)
Discussion about this post