Ka shkuar 15 numri i personave të vdekur nga koronavirusi në vendin tonë. Dy rastet e fundit ishin një pacient nga Kavaja me iniciale I.B, 77 vjeç dhe pacienti R. P 69-vjeç nga Hasi, i konfirmuar me COVID-19, i cili është trajtuar prej 8 ditësh në spitalin Infektiv.
Ndërkohë burime për Fax News bëjnë me dije se një tjetër persona është infektuar nga COVID-19 në Has, megjithëse ende nuk bëhet e ditur nëse ka lidhje me personin që ndërroi jetë. I dyshuari është izoluar në spitalin e Kukësit, dhe pritet që të marrë përgjigjen.
Edhe bashkëshortja e 69-vjeçarit nga Hasi është e prekur me koronavirus, ndërkohë që dyshohet se janë infektuar nga vajza e tyre e cila kishte ardhur disa ditë më parë nga Italia dhe ka marrë pjesë në varrimin e gjyshes së saj nga ana e mamit.
Pas ceremonisë motore mësohet se vajza është larguar përsëri për në Itali dhe dyshohet se ajo mund të ketë infektuar prindërit e saj.
