Një tjetër kandidat i vetëm ‘fiton’ zgjedhjet, përfundon numërimi i votave në Konispol

Ashtu si edhe në Pustec e Memaliaj, ka përfunduar numërimi i 17 kutive të votimit nga 17 që ishin në total në Konispol.

Mësohet se kandidati i vetëm në garë që kandidonte me siglën e Partisë Socialiste ka marrë 3 328 vota në total, ndërkohë që kjo është bashkia e tretë në rang vendi që përfundon procesin e numërimit në një hark të shkurtër kohor. Kjo edhe sepse numri i votuesve në këtë rreth është i vogël.

Ndërkohë kujtojmë se në Pustec kandati i Partisë Socialiste Pali Kolevski ka marrë 645 vota.

Në këtë qytet janë numëruar 8 nga 8 kuti në total ku Kolevski i PS-së përballë kandidatit të Aleanca Maqedonase për Integrimin Europian, Edmond Themelko është shpallur fitues.

Ndërkohë edhe në Bashkinë e Memaliajt kandidati i vetëm në garë për pushtetin vendor, Gjolek Guci ka marrë 4 206 vota nga 33 kuti votimi në total.

(F.GJ/FAXWEB.AL)