Javier Hernandez, i cili ka vitet që përflitet për një transferim në MLS (Major League Football), është shumë pranë LA Galay.
Sipas amerikanes LA Times, marrëveshja është tepër e mundshme, kjo sipas një burimi shumë pranë palëve.
Bisedimet kanë vazhduar edhe gjatë së martës për ish-sulmuesin e Manchester United dhe West Ham, i cili aktualisht luan te Sevilla.
Ai pritet të jetë pasardhësi i Zlatan Ibrahimovic në metropolin e Amerikës perëndimore.
Milan është padyshim ekipi më aktiv në merkato në “Top 5” ligat kryesore të Europës, me kuqezinjtë që kanë bërë plot 6 lëvizje (3 largime dhe 3 afrime). Kjo shifër pritet të shkojë në shtatë ditën e nesërme, teksa do të konfirmohet edhe largimi i katërt.
Bëhet fjalë për Ricardo Rodriguez, i cili do të zgjedhë përfundimisht mes Fenerbahces dhe PSV-së. Të dy ekipet kanë pasur takim me Milanin dhe kanë rënë dakord që formula e transferimit do të jetë huazim me detyrim blerje për 6-8 milionë euro. Sipas raportimeve të fundit nga mediat italiane, dita e nesërme do të jetë edhe vendimtarja, me Rodriguez që pritet të prezantohet në Turqi ose Holandë.
