Gjykata e Posaçme zgjat me 3 muaj afatin e qëndrimit në paraburgim për Nazif Ajroskin. 40-vjeçari nga Maqedonia e Veriut është shoferi i kamionit ku u kapën 324 kilogramë kokainë në Portin e Durrësit në Qershor të vitit 2021.
Ajrofski po hetohet nga SPAK për “trafik të narkotikëve”, në bashkëpunim, “grup të strukturuar kriminal” dhe “kryerje veprash nga organizata kriminale”.
Kamioni i cili kalonte tranzit nga Maqedonia në drejtim të portit të Durrësit kishte si destinacion Napolin e Italisë.
Dyshimet për drogën u krijuan aty për aty nga efektivët e Task-Forcës që e kaluan për një kontroll të detajuar në vijën e dytë në dalje kamionin me targa të Maqedonisë së Veriut.
Ku gjatë kontrollit fillimisht me skaner, ndërsa më pas kontroll fizik, autoritet gjetën në serbatorin e mjetit dhjetëra pako të mbushura me kokainë mbi të cilat ishin stampuar marka të kompanive të njohura të veshjeve dhe parfumeve.
