Sekretari i Përgjithshëm i Partisë Demokratike, Gazmnent Bardhi i është përgjigjur deklaratës së kreut të ri të bashkisë së Shkodrës, Valdrin Pjetrit i cili përmes publikimit të një dokumenti nga ana e këtij të fundit që sipas tij provonte se nuk ka pasur problem me drejtësinë italiane sikurse PD e akuzonte.
Bardhi shprehet përmesd një postimi në rrjetet sociale se Edi Rama e ka detyruar sërish Pjetrin të mashtrojë për të mbuluar të kaluarën e tij si trafikant droge.
Zyrtari i PD-së shton më tej se, pasi dështoi me TIMS-in, që fakton se Valdrin Pjetri nuk ka shkelur në Itali për 7 vjet, Pjetri publikoi dokumente që mashtrojnë opinionin publik për të kaluarën e tij kriminale.
“Kushdo e di që pas kalimit të një periudhe të caktuar kohore, dënimi i marrë në të shkuarën nuk shkruhet më në dëshminë e penalitetit”, shkruan Bardhi duke i bërë edhe një pyetje kryebashkiakut të ri njëherësh drejtuesit politik të qarkut të Shkodrës në radhët e Partisë Socialiste.
Reagimi i plotë:
Edi Rama detyroi serish Valdrin Pjetrin të mashtrojë për të mbuluar të kaluarën e tij si trafikant droge. Pasi dështoi me TIMS-in, që fakton se Valdrin Pjetri nuk ka shkelur në Itali për 7 vjet, trafikanti i Ramës publikoi dokumente që mashtrojnë opinionin publik për të kaluarën e tij kriminale.
Njëlloj siç bëri edhe Elvis Rroshi për të fshehur dënimin, edhe Valdrin Pjetri, sot publikoi dëshminë e penalitetit si çertifikatë virgjërie.
Ky dokument nuk ka asnjë vlerë.
Kushdo e di që pas kalimit të një periudhe të caktuar kohore, dënimi i marrë në të shkuarën nuk shkruhet më në dëshminë e penalitetit.
Ky është edhe rasti i dokumentit të publikuar nga Valdrin Pjetri. Ai dokument nuk provon që një person nuk ka qenë ndonjeherë i dënuar.
Për t’i rifreskuar kujtesën drejtuesit politik të Edi Ramës në Qarkun Shkodër, për sonte po bëjmë vetëm 1 pyetje:
Çfarë të kujton data 27 Janar 2003?
(F.GJ/FAXWEB.AL)
Discussion about this post