”S’i thuhet kurrë shefit Jo!”, është rregulli që përflitet mes korridoresh punonjësish që me siguri Sonila Qato, ministja e re e qeverisë e ka ditur mirë. Aq më shumë që nuk kishte si të ndodhte që ajo, ministrja e re të kundërshtonte të parin e qeverisë: Edi Ramën.
Kështu ndodhi, Rama i tha ”Mos lexo shumë”, ndërsa ajo ia ktheu ”ok”.
Me sa duket gratë ministre afër Ramës janë të kujdesshme ndaj shefit për t’ia dëgjuar fjalën. Por shefi i tyre duhet të punojë pak më shumë edhe me zëvendësen e tij, me rol edhe më të rëndësishëm, Senida Mesin, e cila jo vetëm që lexon, por lexon kaq shumë…Dhe s’e ngre kokën nga letra as për të thënë ”Përshëndetje të gjithëve!”.
Me letër mbajti fjalën e saj edhe në Kuvend. E re në fjalimet publike dhe emocionet e kaplojnë por duhet ta pyesë e të mësojë nga shefi-mjeshtër, i cili duhet thënë s’është vetëm i zoti në fjalime, por edhe në dhënie urdhrash. (V.G/SHUPLAKA)
Tri fotot marrë nga webi i Kryeministrisë: Sonila Qato, Edi Rama dhe Senida Mesi dhe video ku Mesi nuk i ngre sytë nga letra
https://youtu.be/pdL5zjZ4UZ8
Discussion about this post