Njëri dhunonte nënën, tjetri kanoste me armë bashkëshorten, dy të arrestuar në Durrës (DETAJE)

Dy persona janë vënë në prangat e Policisë së Durrësit, të akuzuar për dhunën në familje. Është arrestuar Brunild Tufa 33 vjeç, banues në Durrës, i cili akuzohet se në gjendje të dehur ka dhunuar shtetësen I. L. 58 vjeçe.

Në pranga ka rënë edhe Zef Prenga 44 vjeç, banues në Thumanë të Krujës, i cili akuzohet se një ditë më parë, ka kanosur me armë bashkëshorten e tij V. Prenga 47 vjeçe.

Gjatë kontrollit të ushtruar në banesë, janë gjetur dhe sekuestruar armë zjarri, fishekë dhe një thikë e dyshuar si armë e ftohtë.

Detaje të Policisë së Durrësit:

Specialistët për Krimet në Komisariatin e Policisë Durrës arrestuan në flagrancë shtetasin:

• Brunild Tufa  33 vjeç,  banues në Durrës.

Arrestimi i tij u bë pasi:

Tufa, mbrëmjen e djshme , për motive të dobëta, në gjendje të dehur, në banesë ka ushtruar dhunë fizike, duke goditur nënën e tij, shtetasen I.L. 58 vjeçe.

Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale”Dhunë në familje” parashikuar në nenin 130/a/4 të Kodit Penal.

—

Specialistët për Krimet në Komisariatin e Policisë Krujë, në sajë të ndërhyrjes së shpejtë dhe veprimeve të specializuara, mbrëmjen e djeshme kanë bërë të mundur parandalimin e përshkallëzimit të pasojave të rënda si rezultat I një konflikti familjar.

Më të marrë njoftim uniformat blu kanë shkuar menjëherë në vendngjarje, të cilët në kohë rekord kanë identifikuar, kapur dhe arrestuar autorin, konretisht shtetasin:

• Zek Prenga 44 vjeç, banues në  Thumanë, Krujë.

Prenga, dyshohet se më datë 26.03.2017, në  basnesë, për motive të dobëta ka kanosur me armë zjarri, automatik, bashkëshorten  e tij, shtetasen V.P. 47 vjeçe.

Gjatë kontrollit të ushtruar në banesën e të arrestuarit, u gjetën dhe sekuetruan në cilësinë e provave materiale:

• një armë zjarri automatik AK 47,;
• 80 copë fishekë model 56;
• një thikë e dyshuar si armë e ftohtë, të cilët i mbante pa leje.

I arrestuari është person me preçedentë penalë të mëparshëm për dhunë në familje.

Materialet I kaluan Prokurorisë së Rrethit Gjyqësor Krujë për veprime të mëtejshme për veprat penale “Kanosja”, “Prodhimi dhe mbajtja pa leje e armëve luftarake dhe e municionit”dhe”Prodhimi dhe mbajtja pa leje e armëve të ftohta” parashikuar në nenet 84,  278/2  dhe  të Kodit Penal.

(XH.A/SHUPLAKA)