Njëri më i kamur se tjetri, kush është çifti më me shumë fitime në showbiz

Shakira dhe Gerard Pique janë padyshim një ndër çiftet më të bukur të showbizit botëror. Ata janë prej vitesh të martuar dhe prindër të djemve.

Por a e dinit se pasuria e tyre arrin shifrat e miliona eurove. Sipas së përditshmes ‘Gol’, Shakira ka një pasuri prej 220 milion dollarësh të fituara nga turet muzikore nëpër botë, shitjet e albumeve dhe linjës së saj të parfumeve  si “S”, “Elixir” dhe “Rock”, ndërkohë që për dy sezone ka qenë në rolin e trajneres në versionin amerikan të shfaqjes televizive për talente “The Voice”.

Ndërsa Pique, sipas revistës “People With Money” mendohet se arkëton çdo vit 90 milionë euro. Futbollisti përfiton 6 milionë euro në vit nga kontrata me Barcelonën.

Ai fiton të ardhura nga publicitetet, ndërkohë që është në pronësi të disa bizneseve. Ndër firmat që janë në zotërim të 31-vjeçarit është ajo e video lojërave, “Kedad Games”, ndërkohë që ka 27% të kapitalit të “Bas Alimentaria”, kompani e produkteve të mishit.