Drejtuesi i filialit shqiptar të kompanisë private ‘Quantum Found’, Andi Dobrushi, ka pranuar sot për herë të parë se kjo kompani private ka luajtur rol të dorës së parë për reformën në Drejtësi.
”Kemi pasur përfshirje që në momentin e parë, kemi mbështetur financiarisht bashkëpunimin me ambasadën amerikane dhe partnerët evropianë. Mbështetja që fondacioni i jep procesit, e ritheksoj, procesit të reformës, është bërë me një marrëveshje me Kuvendin e Shqipërisë”, ka sqaruar në deklaratën për shtyp Dobrushi.
Dobrushi thotë se njerëzit e tij nuk janë të jashtëm. Sipas tij janë të brendshëm.
Ai thotë:
”Ne në fakt nuk jemi të jashtëm, jemi të brendshëm, stafi është shqiptar, kemi pasur bashkëpunim me ekspertët më të mirë të vendit, kemi patur një ekspert, ish gjyqtar i Strasburgut që ka qenë pjesë direkte e procesit, (Kristaq Traja) ndërkohë që pjesa tjetër thjesht i jemi përgjigjur komisionit parlamentar të reformës”.
Duket se Dobrushi ‘keqkupton’ termat ‘i jashtëm’ dhe ‘i brendshëm’ duke i përdorur në vend të termave ‘shqiptar’ dhe ‘i huaj.
Zoti Dobrusha është formalisht drejtuesi i Fondacionit për Shoqërinë e Hapur, dega Shqipëri. Statusi i këtij fondacioni është organizatë jofitimprurëse, por fondacioni është filial tërësisht nën kontrollin e kompanisë privatë ‘Quantum Found’ në pronësi të financierit George Soros.
Korporata ‘Quantum Found’ është e regjistruar në parajsë fiskale dhe aktiviteti i saj financiar është i pagjurmueshëm.
Dobrusha thotë se kjo kompani ka patur një marrëveshje me shtetin shqiptar, ndonëse është rast i paprecedent që reformën për drejtësi të një shteti e merr si ekskluzivitet një kompani private, për më tepër e regjistruar në parajsë fiskale. /Hashtag.al
