Ambasada e Shteteve të Bashkuara të Amerikës në Prishtinë në një komunikatë të lëshuar për media kanë thënë se Qeveria amerikane nuk ka ndonjë preferencë dhe as nuk mbështetë ndonjë parti politike apo kandidat për zgjedhjet e parakohshme që do të mbahen më 6 tetor.
Në këtë komunikatë thuhet se SHBA-të respektojë të drejtën dhe përgjegjësinë e atyre që votojnë për të vendosur rreth të ardhmes së tyre.
“Qeveria e SHBA-ve nuk parapëlqen dhe nuk mbështetë ndonjë parti politike apo kandidatë në zgjedhjet e kësaj jave. Ne respektojmë të drejtën dhe përgjegjësinë e votuesve të Kosovës që të zgjedhin të ardhmen e tyre”. Thuhet në këtë reagim të Ambasadës së Shteteve të Bashkuara të Amerikës në Prishtinë.
Kjo deklaratë e Ambasadës amerikane ka ardhur pasi nga Partia Demokratike e Kosovës ka deklaruar se njeriu i presidentit të SHBA-së, Donald Trump, ka ardhur në Kosovë për të mbështetur Kadri Veselin në fushatë, shkruan Express.
Bëhet fjalë për Matthew Whitaker, një prej njerëzve më të afërt të Donald Trumpit, për të cilin partia e Veselit kanë deklaruar se ka ardhur për t’i mbështetur.
