”Njeriu që i besoja çdo gjë sot bën 4 vite që nuk jeton”, Topalli bën postimin prekës për një nga njerëzit më të afërt të saj

Të gjithë e dimë që për të qenë të suksesshëm të duhet të kesh pranë njerëz të mirë dhe të përkushtuar.

Njerëz që më shumë sesa ndihmës janë aty për të dhënë edhe këshillat e tyre. Jozefina Topalli ka kujtuar një nga njerëzit më të rëndësishëm që kanë punuar me të për vite me rradhë.

Është fjala për Linda Ihsanin që ka 4 vite që nuk jeton më. Ihsani ka qenë dhe një nga njerëzit më të afërt të Berishës kur ai ka qenë në postin e Presidentit në vitet ’90. Ajo ndërroi jetë pasi humbi betejën me një sëmundje të rëndë në mushkëri. 

STATUSI I TOPALLIT:

Kjo në foto është Linda Ihsani.
Njeriu që i besoja çdo gjë, kur isha në krye të Kuvendit.
Sot bëhen 4 vite që Linda nuk është më.
Idealiste, e ditur , e vërtetë, trime…
Ishte ndër ata njerëz që rrallë i takon në jetë, e aq më pak në politikë.
Sa herë e kam menduar dhe kujtuar edhe ditët e fundit, kur më thoshte:
” … jemi lloj në shuarje”.. (E.K/SHUPLAKA)