Ditën e hënë 20/05/2019 në Lukarios të Athinës i ashtuquajturi “bosi” i “Mafies se Burgjeve” Klodian Lekoçaj do të dalë përballë hetuesit Eftehis Nikopoulos.
Këtë radhë shqiptari do të ketë në mbrojtje edhe avokaten e tij Georgia Pieridou, që sipas tij deri më tani nuk ka berë asnjë komunikim me të. Nga burgu Koridallo shqiptari Klodian Lekoçaj për thotë për Fax News se më datën 21/05/2019 ora 09:00 do të zhvillohet gjyqi kundër tij me akuzën për vrasjen e avokatit Mihalis Zafeiropoulos në tetor 2017.
43-vjeçari Klodian Lekoçaj këmbëngul që në gjyq të jenë të pranishëm edhe përfaqe\ësues të shtetit shqiptar. Theksohet se deri më sot Greqia nuk ka lejuar asnjë përfaqësues të shtetit shqiptar për të kontaktuar me të dënuarin Lekoçaj.
Dhjetë ditë më parë ai ka dhënë një intervistë eksluzive për Fax News ku ka treguar pretendimet e tij se mbahen në burg pa të drejtë.
Nuk ka ditë që mediat greke të mos flasin për të, por asnjëherë nuk janë interesuar që të flasin dhe të përçojnë dhe qëndrimin që ka për akuzat Klodiani 43-vjeçar, i cili thotë se kanë tentuar tre herë ta vrasin në burg.
Ndërkohë që pas kësaj interviste të bërë me telefon nga burgu për Fax Nëës, gardianët kanë bërë një kontroll në qelinë e Kleodian Lekoçaj, i akuzuar për vrasjen e avokatit Michalis Zafiropoulos, dhe nga mediat greke si kryemafiozi Burgjeve të Greqisë, me qëllim për gjetjen e telefonit me të cilin shqiptari kishte folur (lexo këtu)
(F.GJ/FAXWEB.AL)
