Mediet dhe autoritetet serbe e kanë filluar gjahun për njerëzit që dje drejtuan aksionin e jashtëzakonshëm policor për arrestimin e Marko Gjuriqit në Mitrovicë
Sipas Express, agjencia shtetërore serbe e lajmeve Tanjug, në një artikull me titull “Kush është Shabani, komandanti i aksionit brutal në Mitrovicë”, shkruan se personi që e ka drejtuar aksionin e policisë së Kosovës për arrestimin e Marko Gjuriçit është Mentor Shabani.
“Pak dihet për këtë njeri, ndërsa dje manifestoi atë që e ka mësuar gjatë stërvitjeve në bazën ‘Adem Jashari’,” – shkruan Tanjug.
Mirëpo, nuk ka detaje se për çfarë baze bëhet fjalë dhe cila është kjo bazë që mban emrin “Adem Jashari”!
“Kush është koloneli i Policisë së Kosovës i cili komandoi në implementimin e planit operativ, i aktivizuar pas paralajmërimit për vizitë në Kosovë të drejtorit të zyrës për Kosovë dhe sekretarit të presidentit të Serbisë, Nikola Selakoviq?”, pyet Tanjug.
Të kujtojmë se dje në konferencën e jashtëzakonshme për media të presidentit serb, Aleksandar Vuçiq, ai tha se do të përgjigjen para organeve të drejtësisë serbe të gjithë ata që kanë marrë pjesë në arrestimin e Gjuriqit. Ai tha se në mesin e tyre janë edhe dy serbë, por pa dhënë detaje tjera.
Burimi: Express
