Në vendin tonë numërohen shumë raste vajzash që kanë hequr dorë nga zakonet e jetesës për t’u kthyer në burra. Dhe pikërisht për një nga burrneshat e pakta që kanë mbetur në vendin tonë, ka shkruar edhe blogeri arabo-izraelit në faqen e tij Nas Daily. Diana është një nga virgjëreshat e betuara si mashkull, e cila sipas tij ka punuar shumë për t’u pranuar në këtë vend.
“A e dini?! Në Ballkan dhe në rajonet e largëta të Shqipërisë, kishte shumë gra të guximshme që donin /duhej të merrnin të njëjtat të drejta si burrat.
Por, për shkak se ishin gra, nuk mundën.
Kështu ato bënë betimin që të jetonin si një burrë dhe të bëheshin «Virgjëreshat e betuara». Fizikisht janë gra, por ndryshojnë plotësisht stilin e jetës së tyre duke jetuar ai burra…
Kjo është historia magjepsëse e një prej atyre burrneshave të cilat sot kanë mbetur shumë pak nëpër botë.
Diana është absolutisht e mahnitshme të rrish me të. Ajo është karizmatike dhe e fortë. Kjo traditë po vdes. Gratë gjithnjë e më shumë po marrin të drejtat që meritojnë. Këtu, gratë nuk kanë më nevojë të jetojnë si burra për të pasur të drejta.
Por Diana është një rast i mirë për të na kujtuar trimërinë dhe punën e vështirë që kanë bërë gratë për të qenë të barabarta në këtë vend. E jashtëzakonshme! Absolutisht e pabesueshme!”, shkruan ai.
“Unë jam Diana! Më thërrasin lali, jam burrneshë!”, shprehet Diana teksa prezantohet.
(J.D/Faxweb.al)
Discussion about this post