Alban Ramosaj ndihet tejet i emocionuar dhe i lumutur për një arsye shumë të veçantë. Pas përfundimit të spektaklit “Dance With Me” këngëtari ka fituar shumë më tepër se çmimi i madh. Këtë lajm ai e ka publikuar në rrjetet sociale. Në një video të postuar në Instagram këngëtari na tregon sesi një fanse e tij i ka dedikuar një poezi.
Këtë veprim Albani e vlerëson shumë dhe për fansat ai ka shkruar disa rreshta sepse janë ata të cilët i japin energji, frymëzim dhe e bëjnë shumë të lumtur në këtë botë.
Ndërkohë ja si shprehet ai për këtë gjest të fanses së tij: “Se di ku tja nis… Fluziana, faleminderit për këtë energji që më beri më të lumturin në tokë. Është lumturi e pashpjegueshme kur krijimet e tua ndërtojnë një lidhje me njerez që nuk i ke takuar kurrë më parë dhe të japin kaq shume dashuri kur ndodh. Di të them që sa të kem fuqi dhe jetë une do krijoj dhe do jap sa më shumë nga vetja ime që t’ju bëj te lumtur ashtu si ju gjithmonë më bëni mua me dashurinë që më falni dhe motivimin që më jepni për të vazhduar”, shkruan Albani në mbishkrimin e videos. (J.V/Shuplaka)
