Pas publikimit të një incidenti në shkollën Lef Sallata, nga ish-kryeministri Sali Berisha, i cili deklaroi në rrjetet sociale se aty nxënësit gjetën njolla të mëdha gjaku dhe krimi u mbajt i fshehtë.
Fax News ka shkuar në ambientet e shkollës, ku pas kontaktit me mësues të shkollës pranojnë prezencën e policisë dy ditë më parë në shkollë, por sipas tyre policia është lajmëruar pas konstatimit të çarjes se murit te dhomes se palestrës.
Pas interesimit të Fax News ditën e sotme, drejtoresha e shkollës nuk ka pranuar të prononcohet dhe as të japë informacion rreth skandalit, duke shtuar dyshime për vërtetesinë e lajmit.
Por ka qenë sanitarja e shkolles, dhe mësues që kanë sqaruar se nuk bëhet fjale për ngjarje kriminale, por për një tentativë vjedhje që ka rezultuar e pasukseshme.
Të interesuar në policine e Vlorës, blute konfirmojnë se: Nje dite me pare, ne daten 18, rreth ores 9 te paradites pas nje telefonate ne komisariat, Policia ka shkuar ne ambjentet e shkolles 9 vjecare”Lef Sallata”. Aty eshte konstatuar nje tentative per te care murin e shkolles prane ambjenteve te palestres. Sipas policise kjo ka qene nje tentative vjedhje è ketyre ambjenteve. Nga verifikimet, kane qene 2 persona qe kane tentuar te shembin murin me leve, por pa rezultat. Personat jane larguar kur kane hasur veshtiresi ne carjen e murit dhe kane pare qe po’ zbardhte dita.
Ka qenë stafi i shkollës që ka konstatuar dëmtimin e murit dhe kanë lajmëruar policine. Sipas bluve po punohet për kapjen e 2 personave me akuzën e dëmtimit te ambjenteve publike dhe tentativë vjedhje.
Policia e Vlorës mohon të jenë gjetur gjurme gjaku në shkollë. Megjithatë, ngjarja është tentuar të mbahet e fshehtë nga drejtoria e shkollës, duke i dhënë urdhër mësuesve dhe nxënësve të mos flasin me njeri për ngjarjen.
(E.K/FAXWEB.AL)
