Noka çan gardën dhe me forcë sërish hyn në Kuvend, Meta mbledh Byronë

Byroja e Kuvendit pritet të mblidhet me urgjencë për të diskutuar dhe vendosur ndaj deputetit të Partisë Demokratike, Flamur Noka.

Në selinë e Kuvendit ka mbërritur kryeparlamentari Ilir Meta, i cili drejton edhe mbledhjen e Byrosë. Gjatë ditës seancën e drejtonte nën-kryetarja Leskaj. 

Seanca plenare e Kuvendit e nisur në orën 15:00, u ndërpre sërish pasi demokrat Noka, u fut me forcë në sallë edhe pse shërbimet e Gardës kanë tentuar të mos e lejojnë.

Kryetarja e seancës kërkoi që deputeti Flamur Noka të largohet nga salla, meqë kjo nuk u pranua Leskaj ndërpreu sërish seancën.

Ndërkohë pak orë më parë po në seancë deputeti  Noka iu afrua deputetit Braçe dhe e qëlloi pasi ky i fundit po ndërhynte gjatë kohës që në foltore fliste Berisha.  (E.K/SHUPLAKA)