Noka “kërcënon” mazhorancën: Po prekët një votë të vetme viti ’97 do t’ju duket lule

Tone të larta, akuza dhe kërcënime. I tillë ka qenë diskutimi i deputetit të PD-së Flamur Noka pak minuta më parë në seancë plenare.

Ish-ministri i Punëve të Brendshme akuzoi pasardhësin e tij, Saimir Tahiri për lidhje me botën e krimit dhe trafikut të drogës.

“Pas 18 qershorit burgu do të jetë shtëpia jote. Inshalla vjen Vilma Nushi dhe të sjellë ndonjë hamburger në qeli. Se ky tjetri (Rama)  do të mbyllet në kullën e tij në Surrel”, tha Noka duke iu drejtuar Saimir Tahirit.

Në fund të fjalë së tij ai lëshoi edhe një kërcënim për mazhorancën: “Do t’ju duket 97-a lule nëse guxoni të prekni qoftë edhe një votë të vetme”. (A.R/SHUPLAKA)