”Po ti a do marrësh patentë për skaf?”, kjo ka qenë pyetja thumbuese e deputetit demokrat Flamur Noka për Ministrin e Brendshëmn Fatmir Xhafaj.
Xhafaj duke folur për ngjarjen në Elbasan tha se në dijeninë e tij Policia ka vepruar sipas ligjit, e megjithatë ai ka kërkuar një hetim nga ana e Kontrollit të Brendshëm.
Flamur Noka: Pse mungon sot në këtë seancë drejtori i përgjithshëm i Policisë së Shtetit, a është kjo Policia që duam, kujt i përkiste jahti që u lëviz nga nga Durrësi? A keni informacion ju, se pse në Elbasan u fsheh ngjarja, ju do të merni patent skafi ju, se mesa duket qenka modë në Ministrinë e Brendshme?
Fatmir Xhafaj: Kjo ishte një miksim pyetjesh dhe konstatimesh, zoti Çako dhe çdo punonjës i Policisë nuk është gjykuar të jetë e arsyeshme të jenë këtu, pasi jam unë këtu që mbroj buxhetin e shtetit dhe të marr të gjitha përgjegjësitë sa më takon si Ministër të Brendshëm. Unë nuk drejtoj Policinë, Policia drejtohet nga ana e Drejtorit të Përgjithshëm. Unë nuk kontrolloj territorin e porteve, sa kohë që janë informacione policore. Nëse ka një shkelje, Policia e shtetit duhet të ushtrojë detyrat me përgjegjësitë të saj, unë ushtroj detyrën përmes SHKB-së.
Në lidhje me ngjarjen në Elbasan, Drejtori i Policisë së Qarkut të Elbasanit, Altin Qato, një punonjës policie me shumë përvojë e ka bërë të ditur publikisht rolin e Policisë në këtë çështje. Gjithsesi në sajë të shqetësimeve nga ana e Politikave unë kam urdhëruar shërbimin e kontrollit të brendshëm për të hetuar.
Dua të bëj me dije se gjithçka ka ndodhur është e regjistruar conform bazave ligjore dhe i është paraqitur Prokurorisë së Qarkut në Elbasan. Nga ai moment institucioni përgjegjës është një dhe i vetëm: Prokuroria. Ajo shqyrton nëse ka apo jo shkelje, unë si ministër nuk e kam këtë tagër, që të marr kompetencat e Prokurorisë.
(E.K/FAXWEB)
Discussion about this post