Nora Malaj: Ligji për arsimin e lartë ka futur sistemin në kolaps. Keqardhje ku është katandisur Ministria e Arsimit

E ftuar në ‘Fax News’ deputetja e LSI-së Nora Malaj thotë se mosdhënia e pagës së janarit për pedagogët tregon gjendjen kaotike ku e ka futur arsimin ligji për arsimin e lartë.

Ajo u shpreh se edhe të hënën kur pritet të marren pagat e pedagogëve do të kryhen nga të ardhurat dytësore të universitetit.

Ajo tha se ka qenë kritike që kur ishte në qeveri si zëvendës ministre, ndërsa shtoi se ligji për arsimin e lartë është bërë i pazbatueshëm.

“Kam qenë kundër teorisë së ligjit për arsimin e lartë dhe ka qenë një qëndrim shumë kritik për ligjin pasi ky ligj ose do të bëhej i pazabtueshëm ose do të përfundonte kështu. Atëherë pati zëra të jashtëzakonshm kritik por që nuk u dëgjuan.

Në këtë situatë që jemi sot, jemi të paqartë dhe jo transparente. Por mes institucioneve nuk është arritur bashkëpunim sepse kemi një ngërç.

Reforma që ka filluar qeveria ka arritur në zenitin e skepticizmit. Kemi një anomali dhe ndiej një keqardhje se cfarë po ndodh me ministrinë e Arsimit, kjo situatë është kthyer në një situatë ankthi.

Këtu është prekur fundi. Ditën e hënë punonjësit mund ti marrin nga fondet e dyta, nëse nuk do të zgjidhet do të do të krijohet një situatë  që qeveria nuk mund ta menaxhojë dot.

Tek të dy ligjet, pagesa ka qenë në format granti,  në grantin që u afrohet institucioneve të arsimit të lartë 80% do të kshkojë për pagat dhe 20% për nevoja të tjera. Ligji i arsimit të lartë është bërë i pzbatueshëm. Kur doli ligji i arsimit ndryshoi sistemi i futjes në universitet, edhe nuk kanë ardhur aktet nën ligjore për sistemin e arsimit parauniversitar. Ky ligj mbase ka tendencën e një ligji klientelist, që universitet publike të vihen nën presionin e universiteteve private , gjë që nuk do ta dëshiroja, sespe janë pasuri kombëtare. Jemi në një fazë ku nuk e dimë se çfarë po ndodh. Sistemi universitar është në kolaps, një minë me sahat që vetëm kur shkon puna tek paga ndihet.

Zgjidhja që do të bëhet ditën e hënë do të bëhet nga universiteteve nga të ardhurat dytësore, sepse jemi në një vakum ligjor, nuk është përcaktuar kush bën çfarë”, tha Malaj. (B.H/Fxweb)