Notat e lojtarëve, Asani dhe Ramadani më të mirët për kombëtaren tonë

Pas përfundimit të ndeshjes Republikë Çeke-Shqipëri dolën dhe notat e lojtarëve për paraqitjen e tyre në fushë.

Kuqezinjtë morën një barazim me vlerë ndaj vendasve. Megjithëse ishim në disavantazh, falë një supergoli të Bajramit arritëm të dalim me pikë nga Praga dhe të ruajmë vendin e dytë, e cila na kualifikon direkt në fazën e gupeve të Euro 2024.

Tek kombëtarja jonë sipas statistikave të “Sofascore” më i miri në fushë ishte Jasir Asani. Sulmuesi zhvilloi një paraqitje mbresëlënëse duke qenë vendimtar edhe në golin e Bajramit, pasi rekuperoi një top në sulm. Gjithashtu Asani ishte aktiv edhe në detyra mbrojtëse duke ndihmuar ekipin në prapavijë.

Mesfushori Ylber Ramadani zhvilloi një ndeshje mjaft pozitve, ku pati shumë duele ndaj Alex Kral dhe Soucek. Etrit Berisha u vlerësua me notën 7.0 për pritjet e tij në fund të lojës. Portieri i Empolit bëri mrekullinë në një rast kur rezultati ishjte 1-1.

Për çekët më miri në fushë ishte kapiteni Soucek i vlerësuar me notën 8.0. Mesfushori ishte mjaft solid në duelet për top të parë dhe ishte një pikë referuese për skuadrën e Çekisë.

Ndeshjen e rradhës kombëtarja jonë do ta zhvillojë ndaj Polonisë në “Air Albania” ditën e diel, ora 20:45.