“N’traditë show”, i cili transmetohet çdo të shtunë në Fax news, është një show muzikor që bën bashkë të gjithë Shqipërinë dhe trevat shqipfolëse.
Drejtuesit e emisionit, Albana Qirjako dhe Bujar Çiçi natën e sotme ia kishin dedikuar muzikës ulqinake, ku ishin përfaqësues këngëtarë shqiptarë nga përtej kufirit.
Ciçi u shpreh se emisioni i sotëm është i veçantë, pikërisht për praninë e shumë artistëve të Ulqinit, përfshirë edhe të madhin Shenso Hasanaga, i cili nuk e kurseu vlerësimin në drejtim të moderatorëve të Fax News.
Shemso Hasanaga: Jemi shumë të kënaqur që jemi sot këtu, ju urojmë gjithçka të mirë në jetë!
E në një natë të tillë, padyshim më shumë se fjalët vlen muzika, ajo që ka rritur dhe përçuar breza me radhë.
Hasanaga ka dhuruar disa momente të veçanta në skenë, teksa ka kënduar disa prej këngëve të tij më të dashura dhe më të pëlqyera nga shqiptarët e Ulqinit dhe jo vetëm.
Çiçi nga ana e tij theksoi se gjithçka në emision është e natyrshme, dhe të ftuarit nuk njihen me asnjë skaletë më herët, duke qenë së shoë zhvillohet krejt natyralisht me kryefjalë muzikën.
