“N’traditë show” solli një atmosferë të veçantë mbrëmjen e sotme ne ekranin e Faxnews me muzikën e bukur të Tiranës, zemrës së Shqipërisë.
Te Tirona e e ashikëve, e zonjave, ashtu sic e cilësuan dy drejtuesit e emisionit Albana Qirjako dhe Bujar Cici.
Muzikë, valle e pije shoqëruan këtë mbrëmje të ngrohtë mes emrave më të shquar të muzikës së Tiranës.
Rik Buneci, Greta Zani, Valbona Mema, Xhavit Dedej ishin disa mes të ftuarve që kënduan për të gjithë publikun, duke sjell disa këngë nostalgjike dhe jo vetëm.
Teksa artistët performonin nuk munguan edhe vallet, duke e bërë atmosferën edhe më të bukur.
Teksa ndalesa e mbrëmjes së sotme ishtë në Tiranë, në takimet e ardhshme, kenga e bukur shqip, nga qytete dhe trevat shqipfolëse, do të vijnë “N’traditë show”.
