Prokuroria ka sekuestruar pasaportën e Saimir Tahirit. Vendimi është marrë nga Gjykata e Krimeve të Rënda. Edhe pse me vonesë duket se Gjykata dhe Prokuroria janë marrë vesh për të bllokuar largimin jashtë vendit të ish-ministrit.
Po për avokatin e ish-minsitrit Tahiri, Maks Haxhia vendimi i Gjykatës është qesharak dhe i padrejtë. Ai thotë se ata e apelojnë vendimin dhe se Tahiri do të ndjekë të gjitha rrugët e drejtësisë. Sërish sot vetë Tahiri ka vendosur që të mos dal para mediave.
“Do bëjmë ato procedura që na jep ligji. Ska asnjë fakt të ri që Gjykata të merrte masa të tilla, nuk kanë asnjë argument përveç atyre që ju tashmë i dini. Pikërisht pra kjo është qesharakja që është si koshi pas të vjelave.
Patjetër që do shkojë në Gjykatë ne jemi në dispozicion të Gjykatës, për të kundërshtuar edhe këtë vendim absurd. Ka një argument të vetëm që kjo nuk përputhet me asnjë ligj. Çohet një shkresë në pikat kufitare dhe e dyta bllokohet pasaporta”, u shpreh avokati i Tahirit Maks Haxhia.
(E.K/FAXWEB)
Discussion about this post