Analisti Mustafa Nano nuk është zmbrapsur nga deklarata e tij që kosovarët kanë gjak serbi.
Ai, madje ka mbrojtur edhe më shumë deklaratën e tij, duke shkaktuar jo pak zemërim në radhët e qytetarëve në të dy anët e kufirit.
Nano, në një intervistë për Frontal të Televizionit 7, ka ngritur disa pyetje kur u pyet nga gazetari se për deklaratën se “kosovarët kanë gjak serbi”. Ai shkoi më tej duke thënë se gratë kosovare kanë fjetur me burrat serbë dhe e anasjellta.
“Ku është pasaktësia e kësaj, ku është makthi i madh? Duke qenë se kemi qenë fqinjë për shekuj me radhe, nën pushtime të njëjta, ato bizantine, serbe e më pas otomane, me siguri burra e gra edhe kanë fjetur me njëri tjetrin, kanë fjetur gratë kosovare me burrat serbë dhe anasjelltas, kjo është matematikisht e saktë për mua”, tha Nano për Frontal. Ai tha se në ditët e sotme, sipas tij ky fakt, është i zorshëm të pranohet.
(E.K/FAXWEB.AL)
