Partia Demokratike dhe aleatët e saj kanë konfirmuar në mbledhjen e sotme qëndrimin zyrtar të tyre për mosregjistrimin në Komisionin Qendror të Zgjedhjeve për zgjedhjet e 18 qershorit.
Burime për redaksinë e “Shuplakës” bëjnë të ditur se ky vendim do të qëndrojë deri në arritjen e një pakti politik për krijimin e qeverisë teknike që do të sigurojë zgjedhje të lira.
Veç kësaj, të njëjtat burime bëjnë me dije se koalicioni opozitar do të ngrihet në një protestë masive kombëtare në Kavajë. Protesta e opozitës do të mbahet pikërisht më 7 maj, datë e përcaktuar për mbajtjen e zgjedhjeve për kryetarin e Bashkisë së Kavajës.
(XH.A/SHUPLAKA)
Discussion about this post