Ambasadori I BE-së, Luigi Soreca ishte i pranishëm sot në qytetin e Shkodrës në inagurimin e një qendre komunitare. Ambasadori nuk ngurroi të jepte edhe një deklaratë për gazetarët, të cilëve iu bëri të qartë se do të pranonte pyetje vetëm për eventin e sotëm.
Soreca tha se inagurimi i qendresë së sotme ishte thjesht një rrugë e shkurtër e drejt bashkëpunimit dhe antarësimit të Shqipërisë në BE.
“Do të pranoj pyetje vetëm që kanë lidhje me eventin e sotëm. Lidhje me çështje të tjera do t’I diskutojmë në një tjetër moment. Ne jemi në një ditë kaq të bukur dhe në një qendër kaq të bukur me shërbimet që do të ofrojmë për komunitetin rom dhe të egjiptianëve. Është një udhëtim I gjatë jemi këtu për të mbështetur të rinjtë e të rejat e komunitetit rom dhe egjiptian si dhe ato të kominetit mazhoritar. Me këtë rast I bëjmë thirrje I kërkojmë autoriteteve të bashkëpunojmë së bashku për të mundësuar antarësimin e Shqipërisë në BE” u shpreh ai.
Soreca theksoi se buxheti do të jetë i kufizuar për komunitetin rom apo edhe për familje që jetojnë në të njëjtat kushte si ata. Pas inagurimit ambasadori I BE-së zbuloi një tjetër ndihmë për këtë komunitet, do jetë ajo e ngritjes së një dyqani për një person nga komuniteti rom, i cili do të ketë mundësi të ushtrojë edhe zanatin e tij si berber.
“Është e drejtë të ngrini këto shqetësime në pamundësinë e krijimit të këtyre shërbimeve siç është lidhja e energjisë elekritke për familjet rome, por edhe familje të ngjashme që jetojnë në kushte varfërie. Sigurisht ne vazhdojmë t’I kërkojmë shoqërisë së shqipërisë por edhe komuniteteve lokale të mbështesim komunitetet nevojë, Patjetër që edhe mbështetja jonë financiare do jetë e kufizuar do të varet nga niveli i marrjes përsipër të qeverisë kundrejt harxhimeve dhe prioriteteve të përbashkëta. Ju falenderoj shumë por tani jemi duke shkuar në një barberanë ku sipas programit jemi për të mbështetur një burrë të komunitetit rom. I cili e ka pasur të pamundur të ushtrojë zanatin e tij dhe tashmë sipas progamit tonë, kemi mundur të hapë një dyqan dhe të ushtrojë zanatin e tij”, theksoi ai.
(J.D/Faxweb.al)
