Kryeministri Edi Rama i premton çdo qytetari që gjendet në shtëpi, për shkak të mbylljes së biznesit ku punonte për shkak të situatës së koronavirusit, se fundi i muajit do ti gjejë me paga.
Sipas kreut të qeverisë po punohet pa pushim për krijimin e një pakete të garancisë financiare, në mënyrë që çdo qytetar të ketë mundësi që të marrë pagesat, edhe në rastet kur bizneset refuzojnë që ta japin atë.
Rama shprehet se kjo paketë do të jetë gati, dhe do të publikohet gjatë ditës së enjte, ndërsa fton të gjithë qytetarët që të jenë të durueshëm edhe për disa ditë.
Kryeministri Rama ne Facebook:
? JU LUTEM TË GJITHË ATYRE QË JANË NË SHTËPI PAS MBYLLJES SË AKTIVITETIT EKONOMIK, TË RRINË TË QETË DHE BËJNË DURIM SEPSE TË ENJTEN DO TË KEMI GATI PLANIN E GARANCISË FINANCIARE PËR KOMPENSIMIN E PAGAVE TË MUNGUARA TË ÇDO BIZNESI!
? NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!
? DURIM JU LUTEM DHE BESIM QË PO PUNOJMË PAPUSHIM PËR TË MOS LËNË ASNJË VETËM NË PËRBALLIMIN E PASOJËS FINANCIARE TË MOSVAJTJES NË PUNË!
(E.K/Faxweb.al)
Discussion about this post