Deputetët e opozitës që nuk hoqën dorë nga mandati i deputetit, nuk kanë qenë të pranishëm sot në seancë plenare në Kuvend.
Teksa opozita nga ana tjetër proteston para Parlamentit, Lefter Koka i Lëvizjes Socialiste për Integrim, Mylsim Murrizi, i Partisë Demokratike kanë zgjedhur të mos shkojnë.
Në sallën e seancave plenare nuk u pa as Rudina Hjajdari, deputetja e PD-së, e cila ende nuk e ka vendosur nëse do të heqë dorë nga mandati apo jo.
Sot opozita paralajmëroi një protestë urgjente pas vendimit të kryesisë së Kuvendit për të mbajtur një seancë penare para radhe, e cila ishte caktuar të enjten.
Po këtë ditë opozita kishte paralajmëuar të mbante një protestë të madhe, çka do të paralizonte sipas opozitës punimet e kuvendi të marrë peng nga bandat dhe kriminelët.
Ndryshimi i agjendës së maxhorancës ka çuar dhe në ndryshimin e agjendës së opozitës e cila po vijon prej më shumë se 2 orësh protestën para Kuvendit.
Me sa duket 3 deputetët rebelë të opozitës nuk kanë dashur të përballen me ish-kolegët e tyre ndaj kanë anuluar dhe pjesëmarrjen në seancën e sotme parlamentare.
Mbetet për tu parë në ditët në vijim nëse të paktën deputeti Koka dhe Murrizi do të marrin pjesë në seancat e ardhshme. Rudina Hajdari ende nuk ka marrë një vendim nëse do ti bashkohet grupit të saj parlamentar duke djegur mandatin, apo do të vijojë të jetë deputete në Kuvendin e Shqipërisë.
