”Nuk duhet të luajmë kukafshehti”, Bushati e thotë troç: Vendi ka nevojë për dialog, jo për konfrontim!

Ish-ministri i jashtëm Ditmir Bushati ka folur sot mbi rekomandimin e Këshillit të Europës, duke thënë se vendi sot ka nevojë për një përgjegjësi të re.

Bushati tha se tashmë nuk ka më nevojë për lojëra kukafshehti, dhe se palët duhet të ulen sa më parë në dialog, në mënyrë që anëtarësimi në BE të bëhet i mundshëm.

“Është koha për një mirëkuptim më të madh politike kam hyrë në politikë në 2009, kur qeveria Berisha aplikoi në BE, 10 vjet më pas nuk ia vlejnë të bëjmë lojëra kukamcefti, ne nuk e kemi nisur ende procesin e bisedimeve për anëtarësim, por jemi më afër se kurrë këtij realiteti, ndaj nuk duhet ti biem me gurë, se penalizojmë vendin, as qeverinë e as opozitën, por shqiptarët”, u shpreh Bushati.

“Shumica e heshtur kërkon dialogun dhe mirëkuptimin dhe jo konfrontimin, jo përjashtimin, diskriminimin, një shoqëria që bazohet te ekonomia e dijes, dhe jo te fuqia e lirë e krahut të punës, shqiptarët kërkojnë një kapitalizëm progresiv që i krijon mundësi të barabarta të gjithëve dhe jo te politikat grabitqare.

Kjo është arsye që duam dhe 90% e shqiptarëve kërkojnë BE. Kjo është arsye që socialistët dhe progresistët e shtrojnë dorën e bashkëpunimit për reformën për opozitën parlamentare dhe politike, për të kapërcyer cdo dasi politike se më e rëndësishme për ne është Shqipëria”- tha ai.

“Ka vende që edhe pse janë bërë para Shqipërisë ia lejojnë vetes të ulen në dy karrige. Nuk është rastësi që raporti identifikon mbështetjen e fuqishme të firmosjes së marrëveshjes së Prespës. Raporti ofron një pasqyrë të qartë të të gjitha arritjeve. Unë kam 10 vite në këtë sallë dhe më erdhi keq me reagimet e opozitës në lidhje me këtë sukses të Shqipërisë.

Ishin pasqyrë e dëshpërimit. Kam qenë ministër i jashtëm dhe në 2016 kemi bërë një debat. Po ashtu vjet kemi bërë debat nëse rekomandimi do shtronte rrugën për hapjen e negociatave. Qeveria në këtë proces ka thjesht barrën kryesore dhe duhet të bëjë detyrat. Merita është vetëm e shqiptarëve. Mbi 90% e shqiptarëve nuk kanë asnjë dyshim për sa i përket kursit të Shqipërisë”, tha më tej ish-ministri.