Arben Ahemetaj ka folur për herë të fundit si Ministër i Financave dhe është shprehur se tashmë ekonomia po shpërblen dita ditës qytetarët, falë rritjes ekonomike, pa borxh të ri, përkundrazi me ulje të tij, me të ardhurave të rritura për herë të parë në 25 vjet.
REAGIMI:
E nisem rrugen e ringritjes ekonomike dhe konsolidimit fiskal nga pika me e ulet e 25 viteve te fundit dhe kaluam jo pak mundime per te arritur ketu ku jemi sot, kur me ne fund ekonomia po shperblen dita dites qytetaret, fale rritjes ekonomike, pa borxh te ri, perkundrazi me ulje te tij, me te ardhurave te rritura per here te pare ne 25 vjet ne nje vit elektoral parlamentar dhe menaxhim te pergjegjshem te financave publike, qe na mundesuan avancimin e reformave te thella transformuese per vendin.
Bashkimi Europian, në kuadër të dialogut vjetor me vendet e rajonit për politikat, ka vlerësuar me nota tejet pozitive arritjet e deritanishme të ekonomisë shqiptare dhe projeksionet tona në kuadër të Programit të Reformave Ekonomike 2017-2019.
“Vendi po përjeton një kthesë pozitive ekonomike që pritet të vazhdojë edhe në 2017. Konsolidimi fiskal ka reduktuar deficitin buxhetor, duke arritur në 2016 nivelin më të ulët në shumë e shumë vite, ndërsa masat rregulluese fiskale të planifikuara përgjatë tre viteve të ardhshme, do të jenë të mjaftueshme për të vazhduar uljen e borxhit publik” – vlerëson raporti, që e vendos sërish theksin tek rëndësia e pasjes së një sistemi gjyqësor efektiv dhe të drejtë, mungesa e të cilit shihet si një nga pengesat kryesore strukturore për rritjen ekonomike dhe konkurrueshmërinë e vendit.
Bashkimi Europian rekomandon vazhdimin e masave për uljen e borxhit publik; vazhdimin e përpjekjeve të bëra deri tani dhe rezultateve të dukshme në rritjen e të ardhurave; vazhdimin e implementimit të strategjisë sonë për uljen e nivelit të kredive me probleme; vazhdimin e punës së nisur në sektorin energjetik; vazhdimin e procesit të shpërdarjes së certifikatave të tokës dhe legalizimeve të pronave; vazhdimin e përmirësimit të tregut të punës.
“Vazhdimi” është rekomandimi kryesor i BE dhe të gjithë miqve e partnerëve të Shqipërisë. Prandaj është e rëndësishme të mos ndalemi tani. Prandaj është e domosdoshme të vazhdojmë rrugën e nisur për të ndërtuar Shqipërinë që duam, me shtet, punë, mirëqenie; rrugën që përshkuam së bashku në këto katër vite e të cilën, së bashku do të vazhdojmë ta përshkojmë edhe në të paktën këto katër që vijnë.
(J.V/Shuplaka)
Discussion about this post