“Nuk duhet të presim degën në të cilën jemi ulur… Gjithçka ka marrë fund”

Aktivisti i njohur Erion Kristo ka bërë një reagim në lidhje me situatën në të cilën ndodhet vendi dhe për mënuyrën se si reagohet ndaj saj nga njerëz të ndryshëm.

Duke e nisur me fjalët se “Nuk duhet të presim degën në të cilën jemi ulur”, Kristo thekson qëndrimety që kemi në përgjithësi për palramentin, gjyqësorin,  mediat dhe shoqërinë civile.

Për këtë të fundit ai shprehet se nëse është sit ë gjitha pushtetet e tjera, atëherë nuk kemi pse kërkojmë asgjë, dhe shton se gjithçka ka marrë fund, përveç idesë së largimit nga vendi.

“Ne nuk duhet ta presim degën ku jemi ulur. Nëse nuk kemi besim te parlamenti, që është i kriminalizuar; nëse nuk kemi besim te qeveria, se mund të jetë e korruptuar; nëse nuk kemi besim te gjyqësori, se vendos drejtësi në bazë të parasë e jo të ligjit, pra ka për ligj paranë; nëse themi me plot gojën se mediat janë të shitura dhe aksionere të pushtetit, pra nëse i themi me plot gojën këto hamendësime, atëherë e vetmja zgjidhje njerëzore është shoqëria civile. Po nëse dhe kjo është njëlloj me të gjitha pushtetet e tjera, atëherë nuk kemi pse të kërkojmë asgjë. Gjithçka ka marrë fund, përveç idesë së largimit nga ky vend”, shkruan Erion Kristo në rrjetet sociale.

(F.GJ/FAXWEB.AL)